Messenjerlardagi firibgarlar — qanday aldanib qolmaslik mumkin?
So‘nggi paytlarda firibgarlar banklar, marketpleyslar va davlat idoralari niqobida messenjerlarda xabarlar yubormoqda yoki soxta akkauntlar yaratmoqda. Mana — pulingiz va ma’lumotlaringizni himoya qilishga yordam beradigan bir nechta oddiy qoidalar:
— Banklar, marketpleyslar va davlat organlari Messenjerlarda hech qachon birinchi bo‘lib yozmaydi. Agar sizga kimdir go‘yoki uning nomidan yozayotgan bo‘lsa — bu firibgarlar.
— Begonalarning har qanday rasmlari, havolalari va fayllari xavfli bo‘lishi mumkin. Ular ko‘pincha ma’lumotlaringizni o‘g‘irlaydigan zararli dasturlarni o‘z ichiga oladi yoki soxta saytlarga olib boradi.
— Shubhali havolalarga kirmang, hatto xabar tanishingizdan kelgan bo‘lsa ham — uning akkauntini ham buzishgan bo‘lishi mumkin.
— Hech qachon parollar, SMS kodlar va karta ma’lumotlarini oshkor qilmang. Bank yozishmada sizdan bu ma’lumotlarni so‘ramaydi.
O‘zingizni va pulingizni asrang! Agar ikkilansangiz — ilova orqali rasmiy qo‘llab-quvvatlash xizmatiga yozing yoki +998 71 202-33-33 raqamiga murojaat qiling.
