QR-kod orqali firibgarlik
QR-kodlar o‘zi xavfsiz, biroq firibgarlar ulardan odamlarni aldash va tuzoqqa tushirish vositasi sifatida foydalanmoqda.
U qanday ishlaydi:
Avtoturargohda, kafe yoki do‘konda asl kod ustiga o‘z QR-kodini yopishtirishadi.
Siz skan qilasiz — tovar yoki xizmat uchun to‘layapman deb o‘ylaysiz. Pul esa firibgar hisobiga tushadi.
Kod sizni ma’lumotlaringizni o‘g‘irlaydigan soxta saytga ham yo‘naltirishi mumkin.
Himoya choralarini ko‘ring:
✅ QR-kod qayerga yo‘naltirayotganini diqqat bilan tekshiring — shoshilmang.
✅ Sayt ishonchsiz ko‘rinsa, karta ma’lumotlarini kiritmang.
✅ Kod asl kod ustiga yopishtirilmaganini tekshiring — bu firibgarlikning keng tarqalgan belgisi.
✅ Faqat ishonchli servislar yoki bankning rasmiy ilovasi orqali to‘lov qiling.
✅ Biznes egalari uchun: QR-kodlarni shaffof himoya qoplamasi ostida joylashtiring — bu ularni almashtirishni qiyinlashtiradi.
Ushbu firibgarlik sxemasi haqida do‘stlaringiz va yaqinlaringizni ogohlantiring — ogohlik pul yo‘qotishdan himoya qiladi.
