Octobank xitoylik Tenpay to’lov xizmati bilan hamkorlikni boshladi

Tenpay va Octobank hamkorlikda O’zbekistonning moliya bozorida yangi texnologiyalar va yechimlarni ishlab chiqarish va targ’ib qilish bilan shug’ullanadilar.
Octobank uchun buning muhim tomoni: mahalliy tadbirkorlarga Xitoylik, mamlakatdagi mashhur superapp WeChat bilan to’lov qilishga o’rganib qolgan mijozlar bilan ishlashga ko’maklashamiz.

Tadbirkorlar uchun muhim tomoni: Xitoylik mijozlarga, ular uchun odat bo’lib qolgan xizmatni – WeChat ilovasi orqali to’lovni taqdim qilasiz. To’lovni QR-kod va to’lov sahifasi orqali internetda va oflayn-do’konlarda qabul qilish mumkin bo’ladi.

Octobank O’zbekistonda biznes ehtiyojlarini qondirishga qaratilgan, yuqori yuklangan tezkor to’lov tizimlarini joriy etish bo’yicha katta tajribaga ega.

Tenpay — Xitoy texnologiya giganti Tencentning to’lov xizmati va sho’ba korxonasi.
Tenpay — WeChat ilovasiga integratsiya qilingan Xitoyning onlayn-to’lovlar bozoridagi asosiy o’yinchilardan biri.