Moliyaviy qiyinchiliklarga duch kelayotgan qarz oluvchilarning arizalarini ko‘rib chiqish tartibi

• ikki oydan ortiq muddatga vaqtincha mehnatga layoqatsizlik holati

• Qarzdorning mehnat shartnomasining bekor qilinishi va uning ish izlovchi shaxs sifatida kambag‘allikni qisqartirish va bandlikka ko‘maklashish bo‘yicha tuman (shahar) bo‘limlarida ro‘yxatdan o‘tkazilishi;

• Qarzdorning shartlari qayta ko’rib chiqilayotgan kredit shartnomasi bo’yicha birgalikdagi qarz oluvchi va (yoki) kafill bo‘lgan turmush o‘rtog‘ining vafot etishi;

• Qarzdorning I yoki II guruh nogironligini olishi;

• I yoki II guruh nogironligi bo‘lgan shaxslarni qaramog‘iga olish yoxud Qarzdorning qaramog‘ida bo‘lgan I yoki II guruh nogironligi bo‘lgan shaxslar sonining ko‘payishi;

• Qarzdorning homiladorlik yoki  tug‘ruq ta’tilida chiqichi;

• tabiiy va texnogen xususiyatga ega favqulodda vaziyatlarning yuzaga kelishi;

• Qarzdorning  moliyaviy holatiga salbiy ta’sir ko‘rsatgan boshqa og‘ir hayotiy vaziyatlar.

  Bunda, mazkur bandning ikkinchi va uchinchi xatboshilarida nazarda tutilgan holatlar yuzasidan qarz oluvchi tomonidan kredit shartnomasi bo‘yicha to‘lovlar muddatini kechiktirish yoki uzaytirish to‘g‘risida bankka murojaat qilganda,  mazkur murojaat sanasidan oldingi ikki oy davomida qarz oluvchining o‘rtacha oylik daromadlari so‘nggi o‘n ikki oy ichidagi ortacha  oylik daromadlariga nisbatan kamida 30 foizga kamaygan bo‘lishi lozim.

  Mazkur bandning ikkinchi -to’qqizinchi  xatboshilarida belgilangan holatlar  qarz oluvchi kredit shartnomasi bo’yicha to’lovlar muddatini kechiktirish yoki uzaytirish yuzasidan bankka murojaat qilgan sanadan oldingi to’rt oy ichida ro’y bergan bo’lishi lozim.

  Kredit shartnomasi qayta ko‘rib chiqiladigan paytda Qarzdorda biron bir bankdan olingan kreditlar bo‘yicha muddati o‘tgan qarzdorlik bo‘lmasligi va ularning kredit sifati "standart" yoki "substandart" deb tasniflanishi,  so‘nggi olti oy ichida qayta ko‘rib chiqilgan shartnoma bo‘yicha muddati o‘tgan to‘lovlarning umumiy soni 60 kundan oshmagan bo‘lishi kerak.

4.1. Kredit shartnomasi shartlarini qayta ko’rib chiqish jarayonida kredit shartnomasi shartlariga quyidagi o‘zgartirishlar kiritilishiga ruxsat beriladi:

• Kreditni qaytarish muddatini uzaytirish;

• Kreditni to‘lash muddatini 6 oygacha uzaytirish (imtiyozli davr);

• Homiladorlik yoki tug‘ruq ta’tilidagi ayollar uchun kreditni to‘lash muddatini 10 oygacha uzaytirish (imtiyozli davr);

• Foiz stavkasini qayta ko‘rib chiqish;

• Kechiktirilgan kredit to‘lovlari uchun jarimalar va penyalarni kamaytirish;

• To‘lovlar jadvaliga boshqa o‘zgartirishlar kiritish.

7.1. Kredit shartnomasi shartlarini qayta ko’rib chiqish uchun ariza beruvchi "Octobank" AJga quyidagi hujjatlarni taqdim etishi kerak:

7.1.1. Kredit shartnomasi shartlarini qayta ko’rib chiqish bo’yicha ariza. Ariza faqat Qarzdor tomonidan yozma ravishda taqdim etilishi va quyidagi ma’lumotlarni o‘z ichiga olishi kerak:

• Qabul qiluvchi  - "Octobank" AJ rahbari;

• Ariza beruvchining ma’lumotlari - Familiyasi, ismi va otasining ismi (to‘liq), pasport ma’lumotlari (seriyasi, raqami, berilgan sanasi, bergan organ), ro‘yxatdan o‘tgan manzili (to‘liq manzili), haqiqiy yashash manzili (to‘liq manzili), aloqa telefon raqami va elektron pochta manzili;

• Arizani ko‘rib chiqqandan so‘ng Bankdan javob olishning afzal ko‘rilgan usuli: Aloqa markazi xodimining qo‘ng‘irog‘i, SMS-xabarnoma, qog‘oz shaklidagi javob yoki rasmiy Telegram kanali @octobanksupport dan elektron xabar;

• Olingan kredit haqida ma’lumot (kredit shartnomasi raqami va kredit olingan sana), ariza topshirilgan sana holatiga ko‘ra kredit shartnomasi bo‘yicha qolgan qoldiq;

• moliyaviy qiyinchiliklar, qiyin hayotiy vaziyatlar yoki fors-major holatlarining yuzaga kelganligi haqida ma’lumot.

Agar Qarzdorning kredit shartnomasi bo‘yicha majburiyatlarini bajarishi garov bilan ta’minlangan bo‘lsa va garov beruvchi uchinchi shaxs bo‘lsa,Qarzdorning arizasiga garov beruvchining roziligi ilova qilinishi kerak.

Agar Qarzdorning kredit shartnomasi bo‘yicha majburiyatlarini bajarishi kafil tomonidan ta’minlangan bo‘lsa, arizaga kafilning kafillik muddatini va kafilning javobgarlik doirasini o‘zgartirishga roziligi ilova qilinishi kerak.

7.1.2. Shaxsni tasdiqlovchi hujjat.

7.1.3. Kredit shartnomasi shartlarini qayta ko’rib chiqish uchun asos bo’lgan holatlar mavjudligini tasdiqlovchi hujjatlar:

Daromadning kamayishi yoki yo‘qolishini tasdiqlovchi hujjatlar:

• ish joyidan ishdan bo‘shatish, qisqartirish yoki yarim kunlik ishga o‘tkazish to‘g‘risidagi ma’lumotnoma (sana va sababni ko‘rsatgan holda);

• ish beruvchining ishdan bo‘shatish, qisqartirish yoki  korxona faoliyatini to‘xtatib turish to‘g‘risidagi buyrug‘i (topshirig‘i);

• kambag‘allikni qisqartirish va bandlikka ko‘maklashish bo‘yicha tuman (shahar) bo‘limlarida qarzdorning ishsiz sifatida ro‘yxatdan o‘tganligi to‘g‘risidagi ma’lumotnoma;

• Qarzdorning oxirgi 12 oy uchun ish haqi to‘g‘risidagi ma’lumotnomasi;

• Qarzdorning oxirgi 12 oy uchun ish haqi hisobvarag‘i/kartadagi mablag‘lari to‘g‘risidagi hisobot;

• Qarzdorning daromadlarining kamayganligini tasdiqlovchi boshqa hujjatlar.

Vaqtinchalik layoqatsizlik yoki sog‘lig‘ining yomonlashganini tasdiqlovchi hujjatlar:

• vaqtinchalik layoqatsizlik holatida layoqatsizlik varaqasining (kasallik varaqasi) nusxasi;

• uzoq muddatli davolanish, I yoki II guruh nogironlik to‘g‘risidagi tibbiy ma’lumotnoma (guvohnoma, ko‘chirma);

• Qarzdorning I yoki II guruh nogironligi bo‘lgan shaxslarni qaramog‘iga olishi yoxud qarzdorning qaramog‘ida bo‘lgan I yoki II guruh nogironligi bo‘lgan shaxslar sonining ko‘payganligini tasdiqlovchi hujjatlar;

• vaqtinchalik layoqatsizlikni yoki sog‘lig‘ining yomonlashganini tasdiqlovchi boshqa hujjatlar.

To‘lov qobiliyatiga ta’sir qiluvchi mol-mulkning yo‘qolganligi yoki shikastlanganligini tasdiqlovchi hujjatlar:

• Favqulodda vaziyatlar vazirligi, Ichki ishlar vazirligi, mahalla yoki boshqa vakolatli organning favqulodda vaziyat, yong‘in, suv toshqini va boshqalar haqida hisoboti;

• sug‘urta kompaniyasining sug‘urta hodisasini tan olganligi va sug‘urta qoplamasini to‘laganligi (yoki to‘lashdan bosh tortganligi) to‘g‘risidagi hujjatlar;

• mulkning yo‘qolganligi yoki shikastlanganligini tasdiqlovchi boshqa hujjatlar.

Moliyaviy ahvolning yomonlashishiga olib kelgan boshqa holatlarni tasdiqlovchi hujjatlar:

• Qarzdorning birgalikdagi qarz oluvchi va (yoki) kafil biri bo‘lgan turmush o‘rtog‘ining vafot etganligi to‘g‘risidagi guvohnoma

• tadbirkorlik faoliyatini vaqtincha to‘xtatib turish to‘g‘risidagi guvohnoma (o‘zini o‘zi ish bilan ta’minlagan jismoniy shaxslar yoki yakka tartibdagi tadbirkorlar uchun);

• soliq organlariga aylanmaning kamayishi yoki yakka tartibdagi tadbirkorlikning yopilishi haqida berilgan xabarnoma;

• moliyaviy ahvolning yomonlashishiga olib kelgan boshqa hujjatlar.

Tug‘ruq ta’tilidagi ayol qarz oluvchilar uchun hujjatlar:

• homiladorlik va tug‘ish uchun mehnatga layoqatsizlik guvohnomasining (kasallik ta’tili) nusxasi;

• ish joyidan bola parvarishi ta’tili berilganligini tasdiqlovchi ma’lumotnoma (yoki buyruq);

• bolaning tug‘ilganlik haqidagi guvohnomasi (agar tug‘ilgandan keyin murojaat qilinsa);

• ish beruvchi tomonidan berilgan ish haqi to‘g‘risidagi ma’lumotnoma

Boshqa tasdiqlovchi hujjatlar.

7.2. Bank qarz oluvchidan uning moliyaviy ahvolini obyektiv baholash uchun zarur bo‘lgan qo‘shimcha hujjatlar va ma’lumotlarni so‘rash huquqini o‘zida saqlab qoladi.

7.3. Tasdiqlovchi hujjatlarning amal qilish muddati ariza berilgan/ qabul qilingan paytdan  30 kalendar kundan kam muddatda bo‘lmasligi  kerak.

7.4. Arizani topshirishda asl hujjatlarni skanerlash orqali olingan hujjatlarning qog‘oz nusxalarini yoki elektron versiyalarini taqdim etishga ruxsat beriladi, keyinchalik Bankning talabiga binoan asl hujjatlar majburiy ravishda taqdim etilish sharti bilan.