Octo-Mobile ilovasida yangi xizmat: Jett investitsiya platformasi
Octobank o‘z mijozlariga yana bir innovatsion moliyaviy yechimni taqdim etmoqda - Octo-Mobile ilovasida Jett zamonaviy va qulay investitsiya xizmati ishga tushirildi. Yangi funksiya tufayli foydalanuvchilar O‘zbekiston kompaniyalari aksiyalariga oson, xavfsiz va tezkor sarmoya kiritishlari mumkin.
Investitsiyalar — endi yanada oson va hamma uchun qulay
Jettning asosiy maqsadi — investitsiya jarayonini soddalashtirish. Ilovada real vaqt rejimida kotirovkalarni kuzatish, kompaniyalar aksiyalari va faoliyatini tahlil qilish, xarid qilish va sotish funksiyalari mavjud — bularning barchasi bir necha bosqichda va ortiqcha qog‘ozbozliksiz amalga oshiriladi.
Fond birjasidagi barcha qimmatli qog‘ozlar, aksiyalar va obligatsiyalar
Endi siz Octo-Mobile ilovasidan chiqmasdan turib, butun fond bozorini, turli turdagi qimmatli qog‘ozlarni (obligatsiyalar, oddiy va imtiyozli aksiyalar), shuningdek, turli sohalardagi turli kompaniyalar faoliyatini tahlil qilishingiz, investitsiyalarning istalgan variantlarini tanlashingiz mumkin.
Qulay tahlil va grafiklar
Investor uchun eng muhimi — to‘g‘ri qaror qabul qilish. Jett platformasi quyidagilarni taqdim etish orqali bunga yordam beradi:
aksiyalar narxlarining o‘zgarish dinamikasi,
portfel tuzilmasi,
qulay grafiklar va tahliliy vositalar ko‘rinishidagi foyda va zararlar ko‘rsatkichlari.
Foyda va zararni avtomatik hisoblash
Har bir sotib olingan aksiya uchun avtomatik ravishda o‘rtacha xarid narxi shakllanadi, bu esa foydalanuvchiga o‘z portfeli bo‘yicha foyda yoki zararni real vaqt rejimida kuzatish imkonini beradi .
Bu yanada ongli va puxta o‘ylangan investitsiya qarorlarini qabul qilishga yordam beradi .
Yuqori xavfsizlik — bevosita birja bilan integratsiya
Jett xizmati "Toshkent" RFB platformasi va Qimmatli qog‘ozlar markaziy depozitariysi bilan bevosita bog‘langan. Shu tufayli:
har bir sotib olingan aksiya foydalanuvchi nomiga rasmiy ro‘yxatdan o‘tkaziladi,
emitentlar foydalanuvchini rasmiy aksiyador sifatida ko‘radi,
barcha operatsiyalar xavfsiz va qonun hujjatlariga muvofiq amalga oshiriladi.
Investitsiya portfeli — hammasi bitta ilovada
Octo-Mobile ilovasidagi Jett xizmati foydalanuvchilarga quyidagi imkoniyatlarni beradi:
shaxsiy investitsiya portfelini shakllantirish,
uning daromadliligini kuzatib borish,
aksiyalarni sotishdan foyda olish;
dividend va kupon to‘lovlarini qo‘lga kiritish.
Brokerlik hisobini ochish — 3 bosqichda
Jett orqali brokerlik hisobini ochish jarayoni maksimal darajada soddalashtirilgan:
Octo-Mobile ilovasini oching
"Jett Investitsiya" xizmatini tanlang.
Identifikatsiyadan o‘ting
15 daqiqada tayyor hisob
Birja ish vaqtida ariza 15 daqiqa ichida ko‘rib chiqiladi, shundan so‘ng hisob faollashtiriladi..
Octo-Mobile ilovasida Jett xizmatidan foydalanib, siz investitsiya qilishingiz va o‘zingiz uchun dividendlar va kuponlar ko‘rinishidagi yangi daromad turlarini yaratishingiz mumkin. Kompaniya aksiyalariga egalik qilish orqali siz biznesning aksiyadoriga aylanasiz va ushbu kompaniyaning rasmiy yig‘ilishlarida ishtirok etishingiz mumkin.
Zamonaviy texnologiyalar, qulay interfeys va yuqori darajadagi xavfsizlik - bularning barchasi Octobank mijozlari uchun.
