Octobank FINNEXT Asia 2024 xalqaro forumining asosiy hamkori bo‘ldi
Forum Hyatt Regency Tashkent mehmonxonasida bo‘lib o‘tdi va 300 dan ortiq ishtirokchilarni to‘pladi, hamda O‘zbekiston va Markaziy Osiyoda moliyaviy texnologiyalar kelajagini muhokama qilish bo‘yicha asosiy platformaga aylandi.
Bu nima uchun muhim. FINNEXT Asia har yili banklar, to‘lov tizimlari, finteh-kompaniyalar va telekommunikatsiya sohasining yetakchi mutaxassislarini bir joyga jamlaydi. Joriy yilda bank mahsulotlarini rivojlantirishning strategik yo‘nalishlari, to‘lov texnologiyalarining evolyutsiyasi, sun‘iy intellektni joriy etish, raqamlashtirish va firibgarlikka qarshi kurashning yangi yondashuvlariga e‘tibor qaratildi. Ishtirokchilar soha yetakchilari tomonidan ishlab chiqilgan fintex (moliyaviy texnologiyalar) sohasidagi eng yangi yechimlar bilan tanishdilar.
Forum dasturi. Forumda 30 dan ortiq spikerlar — xalqaro to‘lov tizimlari, banklar va texnologiya kompaniyalarining vakillari ma’ruza qildilar. Ular bank sohasidagi hamkorlik va raqobat, mijozlar sodiqlik dasturlari, big data va mashinali o‘qitish texnologiyalari kabi asosiy yo‘nalishlarni muhokama qilishdi. Ishtirokchilar tajriba almashib, soha yetakchi mutaxassislaridan eng yaxshi amaliyotlar haqida ma’lumot oldilar.
«Biz FINNEXT Asia 2024 ning asosiy hamkori bo‘lishdan mamnunmiz. Ushbu tadbir O‘zbekiston va Markaziy Osiyo moliya sektorining kelajagini belgilab beradigan tajriba almashish, strategik sheriklik va yangi yechimlarni yaratish uchun imkoniyatlar ochdi», — dedi “Octobank” AJ boshqaruvi raisi o‘rinbosari Aleksey Maksimov.
