Omonatlarni kafolatlash

           Kafolatlash obyektlari — depozitlar yoki bank hisobvaraqlaridagi mablag‘lar qoldig‘i, shu jumladan “eskrou” hisobvaraqlari hamda ushbu hisobvaraqlar bo‘yicha hisoblangan foizlar qoldig‘i hisoblanadi.

Quyidagilar kafolatlash obyektlariga kirmaydi: nobank kredit tashkilotlari, lizing tashkilotlari, sug‘urta tashkilotlari, investitsiya va pay fondlari omonatlari, davlat organlari va tashkilotlari omonatlari, shuningdek O‘zbekiston Respublikasi «Banklardagi omonatlarni himoyalash kafolatlari to‘g‘risida» Qonun (2025-yil 18-fevral, O‘RQ-1031)da nazarda tutilgan boshqa holatlar.

           Kafolatli hodisa yuzaga kelganda kompensatsiya umumiy miqdori kafolatlash obyektlarining hajmi, soni va valyutasidan qat’i nazar 200 000 000 (ikki yuz million) so‘mdan oshmaydi.

Qonun kuchga kirgunga qadar yuridik shaxslar hisobvaraqlariga joylashtirilgan mablag‘lar to‘liq hajmda kafolatlanadi.

Kompensatsiya to‘lash muddati va tartibi Qonun bilan belgilanadi hamda Omonatlarni kafolatlash agentligi tomonidan amalga oshiriladi.

Qonun haqida batafsil ma’lumotni O‘zbekiston Respublikasi Markaziy bankining rasmiy veb-saytida, ijtimoiy tarmoqlardagi sahifalarida, finlit.uz saytida hamda Omonatlarni kafolatlash agentligining rasmiy veb-saytida topish mumkin.