Octobank mahalla bankiri: joylardagi ko’mak ishlari qanday ketmoqda
Octobank “Mahalla bankiri” loyihasi doirasida Bektemir tumanidagi Nurliyo‘l mahallasi aholisi tadbirkorlik salohiyatini ochishga yordam berishni davom ettirmoqda. Octobank jamoasi mahalla bankiri Abdug‘ulom Ahmedov bilan bir kun o‘tkazib, biznes-loyihalarni amalga oshirishda jamoatchilik bilan yaqin hamkorlik misollarini taqdim etmoqda.
Mahalla bankirining ish kuni mahalla qo‘mitasida boshlanadi, u yerda u vazifalarni rejalashtiradi, aholi uchun kerakli yordam va moliyaviy xizmatlar dasturlarini shakllantiradi. Mahalla agenti Xudoyberdiyeva Aziza va hokimiyat vakillari bilan birgalikda u har kuni ko‘chalarni aylanib, fuqarolarning dolzarb ehtiyojlarini aniqlaydi.
Quyida joylarda muvaffaqiyatli amalga oshirilayotgan loyihalardan ba'zilari keltirilgan.
Nafaqadagi Kuchkarova Ugiloy onaga Nurliyo‘l mahallasining o‘zida bank kartasi ochishda yordam ko‘rsatildi. Bank kartasi uyiga yetkazib berildi, pasport nusxasi asosida rasmiylashtirildi, kartadan foydalanish va internetdagi firibgarliklardan himoya qilish bo‘yicha amaliy maslahatlar ham berildi.
Asosiy daromad manbasi qishloq xo‘jaligi bo‘lgan dehqon Jumanov Bahodir aka ham karta ochishda shoshilinch yordam kerak edi. Xo‘jalik ishlari ko‘p vaqt va kuch talab qilishini hisobga olgan holda, unga naqd pulsiz hisob-kitoblar juda muhim ekanligini inobatga olib, mahalla bankiri tadbirkorga “uydan chiqmasdan” karta yetkazib berish xizmatini tashkil qildi.
Nurliyo‘l mahallasidan bo‘lgan tikuvchi va ayollar kiyimi do‘koni egasi Zulayho Ikromova ham o‘z biznesini yo‘lga qo‘ygan. U o‘z faoliyatini rivojlantirish uchun qo‘shimcha uskunalar sotib olishga muhtoj edi. “Har bir oila — tadbirkor” dasturi doirasida berilgan 10 million so‘mlik kredit evaziga u tikuv mashinasi va overlok xarid qildi.
Abdug‘ulom Ahmedov ta'kidlashicha, Octobank doim fuqarolar yonida va ularga zarur yordamni ko‘rsatishga, mahalla aholisining hayotini yengillashtirishga hamda muhim xizmatlarni yanada osonroq va qulayroq qilishga tayyor.
